Xhemal Bushati, i cili garon për kryebashkiak të Shkodrës, në siglën e PD, zhvilloi një takim në një fasoneri në Shkodër, ku u njoh nga afër me problematikat e këtij biznesi.
Bushati u njoh me problemet e punonjësve të cilët shqetësim kryesor kanë emigrimin e fëmijëve të tyre.
Kandidati Bushati tha se kryefjalë e tij është ndryshimi i situatës qoftë për biznesin por edhe për qytetarët.
“Në Shkodër ka akoma shembuj suksesi. Biznesi has cdo ditë vështirësi dhe nuk është aspak e lehtë. Kryefjala është Ndryshimi. Dhe kjo na bashkon. Kam një mision në këtë sfidë tonën, t’ia kthejmë vendim-marrjen qytetarit. Bashkia e së nesërmes do te jetë përkrahësja më e madhe e biznesit. Me një Bashki për qytetarët, Shkodra do të ecë përpara”, u shpreh kandidati Bushati.
