Lulzim Basha ishte sot në Shkodër, ku prezantoi kandidatin për kryebashkiak që garon në siglën e PD-së, Xhemal Bushatin.
Në fotot zyrtare të publikuara nga zyra e shtypit pranë Bashës shihet një prezencë e lartë e qytetarëve në takim, i cili u zhvillua në hyrjen e pedonales së qytetit.
Por, Syri TV, raporton se në redaksinë e tij ka mbërritur një foto që tregon një tjetër situatë. Dhe sipas këtij raportimi, sot Basha nuk ka pasur më shumë se 350 pjesëmarrës në takim, përfshi këtu edhe banorë të Malësisë së Madhe dhe Vaut të Dejës, të cilat janë bashki më vete.
Dhe sipas përllogaritjeve të bëra nga kjo media, në Shkodër ka pasur nga 281 deri 350 persona.
Gjithsesi të vërtetën e dinë vetë shkodranët, që më mirë se kushdo njohin njëri-tjetrin dhe janë në gjendje të bëjnë diferencën mbi takimin e parë të Bashës në Shkodër, në nisjen e fushatës për zgjedhjet e 6 marsit.
