Beatrix Ramosaj dhe Donald Veshaj nisën një lidhje në shtëpinë e “Big Brother VIP”. Pas eliminimit të Beatrix, lidhja e tyre nuk është në ditët e saj më të mira dhe shkak është bërë ish-e dashura e Donaldit, Bora Zemani.
Trixa u mërzit nga përmendja e emrit të saj brenda shtëpisë dhe më pas iku me pushime në Dubai duke refuzuar të futej në shtëpi dhe të takonte Donaldin.
Beatrix, mbrëmjen e nesërme, jo vetëm që do të marrë pjesë në finalen e madhe, por edhe do të takohet me të dashurin e saj, shkruan Panorama.Plus. Kështu ky çift do të ketë mundësi të zgjidhë nga afër konfliktet e fundit, përpara se të shpallet fituesi. Ndërkohë në media javë më parë ka qarkulluar online edhe lajmi se Bora Zemani do të hynte në shtëpi finalen e Big Brother. Moderatorja nuk e ka pranuar këtë ftesë.
Finalja e madhe e Big Brother do të mbahet nesër, duke premtuar spektakël, por edhe përballje të mëdha.
