Sezoni i ri i ‘Portokallisë’ do të nisë së shpejti nën moderimin e Salsano Rrapos dhe Fjoralba Ponarit.
Këtë e ka bërë të ditur aktori Rezart Veleshnja, i cili publikoi një fotografi krah Fjoralbës duke shkruajtur: “Këtë sezon do kemi fatin të ndjejmë magjinë e publikut më në fund”.
Para disa ditësh, flitej se mund të kishte rikthim të Xhemi Shehut, por Salsano Rrapi zbuloi në emisionin “Goca dhe Gra” se do të vijë por me një emision të ri që nuk ka të bëjë me spektaklin e humorit.
Ndërkohë, u përfol se mund t’i besohej dhe Arjolës, e cila gjatë qëndrimit në Big Brother VIP, me lot në sy, deklaroi dëshirën e saj për ta prezantuar këtë spektakël. Por mesa duket dëshira e Arjolës nuk do të realizohet.
