Ish-Kryeministri Sali Berisha ka vijuar sot takimet në Bashkinë e Durrësit, në kuadër të zgjedhjeve të 6 marsit, ku në siglën e koalicionit “Shtëpia e Lirisë” kandidon Ardian Muka.
Berisha tha se Durrësi prej 21 vitesh drejtohet nga socialistët dhe sot askush nuk mund të thotë se ky qytet është më mirë se para 21 apo 22 vitesh.
“Vangjush Dako betonizoi qytetin, e ktheu shitjen e betonit në prioritet dhe ky ishte një dëm i jashtëzakonshëm që iu bë qytetit. Nga babëzia e madhe u shkatërrua edhe zona e plazhit, në të cilën u ngritën pallatet e të tjera, duke shkatërruar një nga zonat më të bukura bregdetare”, tha Berisha.
Ai tha se Gjushi kishte interesin e betonit dhe kjo ishte çmenduri.
