Barcelona bën një hap pas në La Liga. Në derbin e Katalunjës ndaj Espanyol dhe Keidi Bares i cili ishte titullar për vendasit, skuadra e Xavi Hernandez i shpëtoi humbjes në sekondat e fundit të takimit.
Barça nuk humbiste prej shumë ndeshjesh që nga Dhjetori i kaluar teksa sfida që dukej se e kishte nën kontroll, i iku nga duart dhe në fund Espanyoli i mori një barazim 2-2.
Pedri ndezi menjëherë derbin me një gol që në minutën e 2’ ndërsa Darder barazoi llogaritë në 40’. Pjesa e dytë nis më mirë për Barçën që gjen nje gol me Gavi por anulohet ndërsa de Tomas përfiton nga gabimi në mbrojtje i blaugranasve duke i ndëshkuar me golin e avantazhit.
Barcelona “ngrin” pas golit por me 5 sulmues përpara të hedhur nga Xavi vetëm në aksionin e fundit, holandezi Luuk de Jong me kokë shpëton skuadrën nga humbja duke barazuar 2-2.
