Atalanta ka probleme kohët e fundit dhe po e shfaq diçka të tillë edhe në rezultate. Zikaltërit që nuk i diskutonin fitoret po pësojnë shumë gola dhe sot me Gjimshitin titullar, skuadra e Gasperinit mori një goditje teksa u eliminua nga Kupa e Italisë.
Atalanta luajti përballë Fiorentinës në Bergamo me vjollcët që bënë një paraqitje heroike duke përmbysur rezultatin në favorin e tyre.
Ishin pikërisht miqtë që shënuan të parët me Piatek që rikthehet triumfues në Itali me gol por Atalanta u përgjigj shpejtë duke përmbysur rezultatin 2-1 me golat e Zappacosta dhe Boga.
Ndeshja merr kthesë në 71’ kur me një penallti të gabuar por që shënon gjithsesi Piatek dhe barazon sfidën në 2-2. Martinez del me të kuq për miqtë në 79’ dhe mendohej se Atalanta do të jepte goditjen finale por në sekondat e fundit është pikërisht Fiorentina që shënon me Milenkoviç duke i dhënë dhe biletën për në gjysmëfinale ekipit vjollcë.
