Një ngjarje e rëndë ka ndodhur në Gjermani. Një shofer kamioni ishte në gjendje të dehur kur kaloi në semafor të kuq, duke dëmtuar më shumë se 30 automjete.
Nga aksidenti i plagosur mbeti shoferi dhe një kalimtar i rastit.
“Shoferi turk 50-vjeçar u arrestua në vendngjarje dhe ishte në gjendje të dehur”, tha policia, duke shtuar se dëmi ishte i madh.
Oficerët shpjeguan se ai nuk arriti ta kuptonte që semafori ishte i kuq dhe goditi një makinë pasagjerësh në një vendkalim, duke i shkaktuar lëndime të lehta gruas që drejtonte, automjetin.
Por nuk u ndal. Pas kësaj, përplasi disa makina të parkuara, duke i shtyrë ato. Në total, 31 automjete besohet se janë dëmtuar.
