Një 30-vjeçar është arrestuar nga policia e kryeqytetit pasi akuzohet se në vazhdën e një konflikti në një hotel në rrugën “Tre Vëllezërit Kondi”, ka tentuat të vrasë me armë zjarri pronarin e subjektit.
Policia ka vënë në pranga edhe një 30-vjeçare, për moskallëzim krimi, e cila shoqëronte 30-vjeçarin në momentin e konfliktit.
Gjithashtu, në kërkim për moskallëzim krimi dhe fshehje të provave, edhe dy shokët e 30-vjecarit, të cilët akuzohen se i erdhën në ndihmë atij, gjatë konfliktit.
Në pranga u vu:
- Ervin Selita, 30 vjeç, për veprat penale “Vrasja me dashje” mbetur në tentativë, “Mbajtja pa leje dhe prodhimi i armëve, armëve shpërthyese dhe i municionit”, “Shkatërrimi i pronës” dhe “Prishja e qetësisë publike”;
- E.D., 30 vjeçe, e cila shoqëronte shtetasin Ervin Selita, për veprën penale “Moskallëzimi i krimit”.
U bë shpallja në kërkim e shtetasve: Erion Mici, 26 vjeç, për veprat penale “Përkrahja e autorit të krimit” dhe “Mbajtja pa leje dhe prodhimi i armëve, armëve shpërthyese dhe i municionit” dhe Xhuliano Selita, 23 vjeç, për veprën penale “Moskallëzimi i krimit”.
Shtetasi Ervin Selita, gjatë konfliktit në ambientet e hotelit, ka tentuar të vrasë me armë zjarri njërin nga pronarët e hotelit, shtetasin Zeni Xhindi, sqaruan burime zyrtare. Pas marrjes së njoftimit për konfliktin, efektivët kanë shkuar në vendngjarje duke kryer edhe ndalimet.
Lexo edhe:
Detajet/ Nuk e lanë vajzën të futet në hotel pa ID, si nisi sherri në Tiranë
