Ministrja e Shtetit, Elisa Spiropali, ka komentuar në rrjetet sociale përplasjet në Partinë Demokratike, ndërsa akuzon Sali Berishën dhe Lulzim Bashën si dy të marrë, që demokratët duhet t´i venë shqelmin.
Reagimi i Spiropalit vjen në një kohë kur Berisha arriti të realizojë një marrëveshje për krijimin e koalicionit “Shtëpia e Lirisë”, i cili do të garojë me kandidatët e saj në zgjedhjet e pjesshme të 6 marsit, ndërsa Lulzim Basha vijon të mbajë vulën zyrtare të PD dhe pritet të shpallë kandidatët e tij për zgjedhjet.
“Partia Demokratike ka shansin historik të shpëtojë përgjithnjë nga Sali Nongrata, por Lulzim Basha nuk ka asnjë shans praktik që ta shpëtojë veten duke shqelmuar Saliun. Luli me Saliun janë bir e babë, bashkëfajtorë dhe bashkë përfitues. Ata janë e shkuara nga e cila Shqipëria ka shpëtuar dhe tani edhe PD ka mundësinë të shpëtoje, duke u vënë shqelmin të dy të marrëve, babës së lajthitur dhe birit dështak”, shkruan Spiropali.
