A ka udhëtuar Edi Rama drejt Suedisë dhe kush ia ka paguar udhëtimin? Ishte kjo pyetja që deputetja Oriola Pampuri i ka drejtuar Kryeministrit, Edi Rama.
“Me batuta alla foltore, Edi Rama njoftoi dje shqiptarët se paratë e taksave të tyre i kishte shpenzuar për të udhëtuar drejt Mynihut për të dhënë një intervistë për hallin e tij, për të pastruar imazhin e nxire nga krimi dhe korrupsioni
Rama nuk u dha pergjigje Shqiptarëve se kush e ka paguar qëndrimin në resortin lluksoz në Wildbad Kreuth-in legjendar, dikur një perlë e familjes mbretërore bavareze Wittelsbach dhe një llixhë për carët rusë dhe perandoreshat austriake.
Rama nuk u dha pergjigje shqipëtarëve me paratë e kujt ka zhvilluar udhetimin e fshehtë me charter, që vetëm karburanti i kushton 120 mije euro?
A ka udhëtuar ditët e fundit me charter në drejtim të Suedisë?
Kush i ka paguar paratë e këtij udhëtimi?”, tha Pampuri.
Ndërkohë, Rama ka zgjedhur ti përgjigjet deputetes demokrate sërisht me batuta, duke i kujtuar Kuvendin e 18 dhjetorit ku në 1958 ndenjëse ishin ulur 5004 delegatë.
“Kam udhëtuar në Mynih me një biletë ekonomike 345 euro, sëbashku me gruan dhe djalin e vogël. Në bazë të formulës 1958 karrike për 5004 delegatë të ulur me dorën lart, është formula e udhëtimit që ka kushtuar 120 mijë euro karburant. Unë s´kam udhëtuar në drejtim të Suedisë, ndaj për këtë udhëtim imagjinar, duhet pyetur ai që uli 5004 delegatë në 1958 ndenjëse”, shprehet Rama.
