Ylli Manjani ka reaguar ashpër ndaj deklaratave të disa prej mbështetësve të Lulzim Bashës, sipas të cilëve Kryeministri Edi Rama po mban anën e Foltores, pra të ish-Kryeministrit Sali Berisha.
Manjani shkruan se nëse kjo është e vërtetë tregon se Rama ka dy pare mend, ndërsa shton “po ju mamlukët e Lulit me kë jeni?”.
“Hani ato ushqime që u japin lëmoshë e lërini përrallat që s’i ha njeri.
Rama ka vetëm një anë: zgjatjen sa më shumë të jetë e mundur e konfliktit në PD. Sa më gjatë të shkojë ky konflikt aq më e sigurtë është shpërbërja elektorale e saj. Shenjat janë të qarta”, shkruan Manjani.
Postimi nga Ylli Manjani
“Rama ka marrë anën e foltores”- thonë mamlukët e Lulit dhe të Ramës njëkohësisht. Më vjen keq për disa që kanë ende fjalë në fjalorin e tyre..☹️
Po mirë, ja ta zëmë se është ashtu, e ç’ë pastaj?!
Në pastë marrë anën e Foltores është në anën e duhur dhe do të thotë se i paska dy pare mend.
Po ju o mamlukë me kë jeni atëherë?! Se edhe me Lulin edhe me Ramën sikur nuk shkon?!
Hani ato ushqime që u japin lëmoshë e lërini përrallat që s’i ha njeri.
Rama ka vetëm një anë:
zgjatjen sa më shumë të jetë e mundur e konfliktit në PD. Sa më gjatë të shkojë ky konflikt aq më e sigurtë është shpërbërja elektorale e saj. Shenjat janë të qarta.
