Ish-kryeministri Berisha akuzoi pasardhësin e tij në detyrë kur tha se “Edi Rama është angazhuar në një proces kriminal të lirimit të Aldo Bares, të Lul Berishës dhe kriminelëve të tjerë”.
Nga foltorja e Kuvendit, Berisha zbuloi se këto janë arsyet që sipas tij pse Rama nuk ka interes të fusë elektronikën në votimet e qershorit.
“Votimin elektronik e kanë edhe qytetarët somalezë, edhe qytetarë ganezë, edhe qytetarët e shumë vendeve…. por nëse ju e kundërshtoni, ju vetëm sa e bindi opozitën se në këtë vend zgjedhje nuk mund të ketë…A e dini se kush ju drejton ju? Njeriu më i egër pas diktaturës, që drejton si Assadi i Sirisë, që ju thotë juve se për të më votuar mua njëhërë hajdeni në referendum, por me shqiptarët ai nuk mund ta bëjë këtë kurrë. Me votimin elektronik, së dyti, zgjidhet përfundimisht çështja e votimit të emigrantëve; është njollë turpi përjashtimi i tyre nga e drejta për votën.
Po Kryetari juaj që do të përfundojë në koshin e plehërave të historisë, nuk e pranon se është angazhuar në një proces kriminal të lirimit të Aldo Bares, të Lul Berishës, të kriminelevë, që u çon deklarata kërcënuese gjykatësve të Kushtetueses “lironi Aldo Baren”, tha Berisha.
