Irani është kualifikuar zyrtarisht për Kupën e Botës 2022 në Katar, pasi mundi Irakun këtë të enjte në ndeshjen e vlefshme për javën e 7-të të kualifikuesve të grupit A për zonën aziatike (1-0), e përbërë gjithashtu nga Koreja e Jugut, Emiratet e Bashkuara Arabe, Libani dhe Siria.
Falë golit të sulmuesit të Portos, Mehdi Taremi nw minutën e 48-të, kombëtarja iraniane shkon përkohësisht në 12 pikë epërsi ndaj vendit të tretë me tre ndeshje të mbetura në kualifikuese. Vjeshtën e ardhshme do të jetë pjesëmarrja e tyre e gjashtë pas viteve 1978, 1998, 2006, 2014 dhe 2018.
