Edi Paloka ka reaguar pas raportimeve se kanë nisur hetimet për kreun e FSHF-së Armand Duka, para zgjedhjeve të reja për kreun e federatës së futbollit.
Paloka e cilëson nisjen e hetimeve një tjetër skandal që tregon deri në çfarë pike ka degjeneruar ky shtet sot dhe e ashtuquajtura “drejtësi e re”.
Sipas tij, pas kësaj qëndron Edi Rama dhe Erion Veliaj, të cilët, thotë Paloka, duan të kapin edhe federatën.
“Nuk marre persiper te mbroj askend; as Armando Duken, as Federaten. Po kjo qe po ndodh eshte skandaloze. Pasi kane marre ne dore cdo pushtet, tani po i perdorin per te rrembyer dhe Federaten e Futbollit. E di qe dikush do thote; ‘sa probleme ka vendi e me cfare merret ky!’ Po edhe nje here, kjo tregon pikerisht se si degjeneron nje pushtet i vjedhur e i pakufizuar ! E perseris, nuk marre ne mbrojtje askend, po a ka budalla qe nuk e kupton se perse po ngrihet e gjithe kjo stuhi nga pushtetaret, pikerisht tani perpara zgjedhjeve per Federaten e Futbollit?! Skandaloz eshte edhe thjesht fakti qe nje politikan, krye i korruptuar si velina e bashkise Tirane, bertet gjoja i shqetesuar per korrupsionin ne Futboll. Po skandali i kalon te gjitha caqet kur ne sherbim te qellimeve te tyre (teresisht abuzive) vihet policia e shtetit dhe vete ‘drejtesia e re’””, shkruan Paloka në një postim në rrjetet sociale.
“Ne se paska patur gjithe keto probleme, pse nuk jane ngritur me pare keta pushtetare (qe ne fakt nuk kane asnje tager te nderhyjne tek Federata, perkundrazi)?! Pse pikerisht tani qe jane zgjedhjet ne ate Federate?! Thjesht duan te kapin dhe cfare ju ka mbetur pa kapur! E kete nuk e bejne per te miren e futbollit, jo! E kupton kushdo se edhe ketu qellimet jane teresisht korruptive dhe per ti arritur, bertasin gjoja kunder korrupsionit. Kush? Velina e bashkise dhe Rama ne hije; luftetaret e medhenj kunder korrupsionit”, shton ai.
