Marash Kumbulla është kthyer brenda pak muajsh nga një lojtar i padëshiruar nga Murinjo te Roma, në liderin e prapavijës së verdhekuqve. Paraqitjet e tij pozitive po ndihmojnë Romën në këtë pikë të sezonit, ndërsa tani ai po jep kontribut edhe në sulm duke shënuar me fanellën e kësaj skuadre, siç bëri në kualifikimin ndaj Leçes në Kupë.
“E nisëm ndeshjen me luhatje, por pastaj u munduam që të rritim ritmin. Jam i lumtur për golin, e pastaj në pjesën e dytë kemi rritur ritmin për të fituar sfidën”, komentoi Kumbulla pas ndeshjes, ku pranoi se tashëm ishte në formë më të mirë.
“Tani po mundohem të mbledh frytet e punës që kam bërë në këto muaj. Tani po ia dal’, theksoi ai.
“Ndeshjen e sotme duhej ta fillonim në një mënyrë tjetër, me një sjellje me më shumë krijim loje. Tani të mendojmë për ndeshjen e të dielës, pastaj të mendojmë për Kupën”, ishin fjalët e mbrojtësit kuqezi pas duelit.
