Presidenti turk Rexhep Tajip Erdogan ka mbërritur në aeroportin e Rinasit, atje ku iu rezervua një pritje jo më si Kryetar i një shteti, por si Sulltani që viziton një prej vilajeteve të tij.
Avioni ku ndodhej në bord Erdogan dhe delegacioni që e shoqëron ka zbritur në pistën e aeroportit të Rinasit pak minuta para se ora të shënonte 10:00.
Erdogan u pritet nga dhjetra qytetarë, një pjesë e të cilëve thonë se kanë mbërritur nga Shkupi.
Po ashtu, u zhvillua një ceremoni shtetërore për pritjen e Erdogan.
Kryeministri Edi Rama si dhe ministra të qeverisë ishin të pranishëm në Rinas.
