Nuk përfundojnë problemet e Milanit në mbrojtje. Pas dëmtimit të rëndë në gju të Simon Kjaer, i cili mbylli sezonin, trajnerit Stefano Pioli do t’i duhet të bëjë edhe pa Fikayo Tomorin.
Qendërmbrojtësi anglez u zëvendësua në ndeshjen e Kupës së Italisë ndaj Genoa pas një shqetësimi në gju dhe sot, klubi kuqezi njoftoi se është operuar dhe pritet që të kthehet “pas 30 ditësh”.
Në këtë mënyrë, për Milanin bëhet e domosdoshme ndërhyrja në merkato, pasi aktualisht qendërmbrojtësat në dispozicion janë vetëm Romagnoli dhe Gabbia.
