Fifi u largua nga shtëpia e “Big Brother VIP” pak javë më parë për shkak të gjendjes së saj emocionale. Konsiderohej si një ndër konkurrentet më të forta por rrugëtimi i saj në këtë reality show u ndërpre në mes dhe dalja e saj ishte dalja më e bujshme.
Së fundmi, gjatë një mini-interviste me ndjekësit e saj në Instagram, këngëtarja ka treguar se çfarë do të bënte ndryshe po të hynte sërish brenda BB.
“Mbase nuk do t’ju kisha dhënë vëmendje disave dhe do të merresha me veten më shumë…por edhe nëse përgatitesh në çdo aspekt, si emocionalisht si strategjikisht me tipin që kam unë besoj se prapë njësoj do të kisha bërë çdo gjë!
Pastaj mos të harrojmë, kujdes please me helmin që lëshoni mbi njerëzit. Nuk është normale të shpërndajmë kaq shumë negativitet..dhe unë që jam jashtë dhe e përfshirë akoma në lojë ndihem shumë keq kur lexoj disa nga komentet tuaja për çdo njeri te ajo shtëpi.“, ka shkruar këngëtarja.
