Ish-deputeti Lefter Maliqi ka reaguar lidhur me protestën e sotme.
Maliqi shprehet se Rama u bë palë me Bashën duke dhunuar protestuesit, ndërsa shton se revolucioni s’ndalet, por uragani popullor do marrë përpara “Narkoshtetin” dhe “Lul pengun”.
“Luli pengu e bashkëpunëtori i Ramës, doli fjala ime qe ne 2019, sot Rama me policin e tij politike u be pale me Lul braven duke perdorur dhune e gazë lotsjellës ndaj demokrateve paqesore. Revolucioni s’ndalet, uragani popullor do marr perpara Narkoshtetin dhe Lul pengun. Demokracia do triumfoje”, shkruan ai në një postim në FB.
Më tej, publikon dhe një video: “Ndiqeni videon ne 2019 seç kam thënë, po iku Luli iken Rama dhe Narkoshteti”, shkruan.
Në videon e publikuar nga emisioni i tre vite më parë, Maliqi thotë:
“… Hakmarrja është dhe është personale. Unë jam me të gjithë demokratët e ndershëm, kudo në Berat dhe gjithë Shqipërinë. Dhe më vjen keq që po protestojnë, po përplasen kot me policinë, po thyejnë rregullat. Unë pashë aty ‘tik-tak’ ia bënte Basha. Ai ‘tik-takun’ ta shikojë te karrigia e vet, te truri i vetë, se po e shkatërron PD-në. E ka çuar në gropë. Ia la Berisha me 56 mandate, në mandatin e dytë e çoi në 43 dhe po e çon në katastrofë. E dinte shumë mirë që nuk fitonte pushtetin lokal dhe bën këto veprime. E ka shkatërruar komplet, nuk ka as frymë, as besim as nuk përcjell shpresë te demokratët. Unë them që ata demokratë të ngrihen të rrëzojnë Lulin…”
