Pas protestave për të kundërshtuar shembjen e pallatit 146 në Kombinat, banorët gjetën si zgjidhje të tyren Gjykatën.
Pasi sigurimit te padisë Gjykata Administrative e Shkalles së Parë Tiranë vendosi shfuqizimin e vendimit nr. 107, datë 28.09.2020 të Këshillit Bashkiak “Për prishjen e detyruar të pallatit të tyre” si dhe shfuqizimin e vendimit të Institutit të Ndërtimit.
Banoret thonë se me këtë vendim arritën të fitonin kundër vendimit të kryebashkiakut Veliaj.
“Gjykata ka pranuar të gjithë elementët për të cilët ne kemi kërkuar vendimin e Gjykatës. Kjo është çështje prone, nuk është çështje politike. Nuk ka të bëjë me të drejtën dhe me marrëdhëniet mes qeverisë dhe individit. Më e rëndësishme është që vendimin e Këshillit Bashkiak e ka nxjerrë të paligjshëm, kështu që implikimi që ka ky vendim nuk është thjesht që pengoi prishjen e pallatit 146, por me këtë mund të shihen të gjitha praktikat që kanë ndjekur Këshilli Bashkiak, Erion Veliaj në mënyrën se si kanë proceduar me pallatet e tjera.”
Banorët kanë vijuar të qëndrojnë në këtë pallat edhe pse Këshilli Bashkiak vendosi se duhet shembur. Sipas tyre shtëpitë nuk i kanë të dëmtuara.
“Ata thanë do shemben, por ne nuk na është prishur asgjë. Pse të na i shembin?”
Shpesh banorët e Kombinatit dhe jo vetëm kanë kundërshtuar vendimin e Këshillit Bashkiak dhe Institutit të ndërtimit për prishjen e banesave të tyre, por rasti i parë që ju drejtua Gjykatës është ky i pallatit 146., teksa të tjera padi pritet që ta pasojnë.
/Ora News/
