Dy të rinj janë vënë nën prangat e policisë në Durrës, ndërsa gjatë kontrollit të ushtruar policia iu gjeti dhe sekuestrua 6.5 gramë kokainë.
Blutë njoftojnë se bëhet fjalë për shtetasit S. K., 29 vjeç, dhe E. Gj., 19 vjeçe, të dy banues në Durrës.
Policia thotë se rreth orës 02:40 këta dy shtetas nuk i janë bindur urdhrit të policisë për të ndaluar dhe dyshohet se shtetasi shtetasi S. K., që drejtonte mjetin është shkëmbyer me pasagjeren E. Gj., duke deklaruar se e drejtonte ajo automjetin, ku nga verifikimet rezultoi se të dy nuk kishin leje drejtimi për automjetin.
Gjatë kontrollit të automjetit që këta shtetas qarkulloin, shërbimet e Policisë kanë gjetur e sekuestruar një sasi lënde të dyshuar narkotike kokainë me peshë 6.5 gramë dhe sende të tjera që shërbejnë për përdorimin e lëndës narkotike.
Arrestimi i tyre u bë për veprat penale “Prodhimi dhe Shitja e Narkotikëve”, “Drejtimi i automjeteve në mënyrë të parregullt” dhe “Mosbindja ndaj urdhrit të punonjësit të policisë së rendit publik”
