Pas Amsterdamit, në shumë qytete të Gjermanisë dhjetëra mijëra kundërshtarë të masave kufizuese për shkak të pandemisë janë mbledhur për të protestuar.
Një numër veçanërisht i madh protestuesisht kishte në lindje të vendit.
Sipas Dë, e cila i referohet një zëdhënësi të policisë, në Mecklenburg-Pomerani kanë protestuar rreth 12.000 persona në më shumë se 20 qytete.
Në Rostock, disa qytetarë u përpoqën të ndryshojnë rrugën e planifikuar të demonstratave dhe të thyejnë barrierat e policisë. Kjo është evituar me përdorimin e “dhunës së thjeshtë fizike” dhe shkopinjve, thanë autoritetet policore gjermane.
Në Tyringji sipas të dhënave zyrtare kanë protestuar rreth 16.000 njerëz kundër masave kufizuese.
Por në disa vende ka pasur edhe kundër-tubime.
Autoritetet njoftojnë se në disa vende janë shënuar incidente të vogla, por pa pasoja serioze.
Mijëra njerëz kanë shprehur pakënaqësinë e tyre me masat kufizuese edhe në Saksoni. Në Dresden dhe Leipzig është dashur të ndërhyjë policia për të shpërndarë grumbullimet e mbajtura pa leje.
Në Lichtenstein afër Zëickau, janë sulmuar edhe pjesëtarët e policisë – 14 prej tyre janë lënduar.
“Një person ka tentuar t’ia marrë armën një polici, ndërsa një polic tjetër është kafshuar gjatë përpjekjeve për të shpërndarë demonstruesit”, bën të ditur përfaqësuesit e policisë, shkruan Dë.
Policia në Magdeburg në Saksoni-Anhalt raportoi për sulme të shumta kundër policisë me gurë, piroteknikë, shishe dhe mjete të tjera. Deri tani nuk ka të dhëna për të lënduar.
Një sërë demonstratash u zhvilluan edhe në shtetet perëndimore të Gjermanisë. Vetëm në Nuremberg në Bavari u mblodhën 4000 njerëz.
