Një vrasje me armë zjarri ka ndodhur në Peqin. Ngjarja e rëndë ka ndodhur në fshatin Gjoçaj, ku nga të dhënat e para mësohet se viktimë ka mbetur një 35 vjeçar. Nga të dhënat e para raportohet se viktima është identifikuar si Albi Bashaliu, i cili u ekzekutua teksa po ecte në rrugë.
“Më datë 27.12.2021, rreth orës 08.39, në fshatin Gjoçaj Peqin, në rrethana ende të paqarta dyshohet se është vrarë me armë zjarri, në rrugë, shtetasi A. B., rreth 35 vjeç, banues në fshatin Gjoçaj, Peqin.
Shërbimet e Policisë kanë shkuar menjëherë në vendngjarje së bashku me grupin hetimor.
Është rrethuar zona dhe vijon krehja e saj për të bërë të mundur kapjen e autorit/ëve”, njoftoi policia.
Grupi hetimor nën drejtimin e Prokurorisë vijon punën për zbardhjen e rrethaneve të ngjarjes, sekuestrimin e çdo prove të mundshme materiale që shërben për identifikimin e autorëve.
