Andrija Filipovic me shumë mundësi do të largohet nga Partizani. Sulmuesi i afruar me shumë bujë gjatë merkatos së verës ka qenë një nga dështimet e të kuqve në merkato pasi në takimet që është aktivizuar nuk ka shënuar asnjë gol.
Duke parë formën e tij jo të mirë, trajneri Daja vendosi ta linte në tribunë për derbin ndaj Tiranës, ndërsa një gjë e tillë ndodhi edhe ndaj Kukësit. Sulmuesi nuk ka asnjë dëmtim, por ishte një vendim teknikë i trajnerit të Partizanit për të lënë jashtë lojtarin.
Në ditët në vijim drejtuesit dhe Filipovic do të ulen për të mbyllur me konsensus marrëveshjen pasi sinjali nga trajneri Daja është i qartë që sulmuesi është jashtë planeve të tij.
