Një i ri është vënë në pranga nga policia në Fier pasi në makinë i është gjetur një armë zjarri.
Policia njoftoi se, në lagjen “16 Prilli” ka ndaluar për kontroll automjetin tip “Benz” me drejtues shtetasin I.B.
Gjatë kontrollit të ushtruar në automjet, poshtë sediljes së shoferit, Policia ka gjetur dhe sekuestruar në cilësinë e provës materiale një armë zjarri pistoletë me mulli.
Në vijim të veprimeve, specialistët për Hetimin e Krimeve në Komisariatin e Policisë Fier bënë arrestimin në flagrancë të shtetasit I. B., 26 vjeç, banues në Fier, për veprën penale “Armëmbajtje pa leje”.
