Lulzim Basha pritet të mbledhë sot Këshillin Kombëtar.
Mbledhja pritet të zhvillohet në orën 17:30 dhe raportohet se do të shqyrtohen vendimet e Kuvendit të Partisë Demokratike të 18 dhjetorit.
Një nga vendimet e marra është edhe largimi i ish-kryeministrit Sali Berishës nga të gjitha funksionet e Partisë Demokratike.
Nga ana tjetër, ish-kryeministri Sali Berisha ka vijuar akuzat ndaj liderit demokrat Lulzim Basha.
Me anë të një postimi në rrjetet sociale, ai u shpreh, se Basha është duke humbur arsyen çdo ditë që kalon edhe më shumë.
Berisha theksoi, se ishin të qarta të gjitha votat e demokratëve që votuan shkarkimin e liderit demokrat në 18 dhjetor.
