Tentoi të transferonte jashtë Italisë 320 mijë euro të padeklaruara, arrestohet shqiptari.
Mediat italiane raportojnë se një shqiptar me banim në Itali, u arrestua pasi u kap në kufi me 320 mijë euro të padeklaruara, të cilat i kishte ndarë në 38 tufa kartëmonedhash.
Ai u ndalua për një kontroll rutinë në një nga vendkalimet e kufirit tokësor me Slloveninë. Paratë ishin fshehur brenda automjetit në kabinën e pasagjerëve.
Në momentin kur u pyet nga efektivët, shqiptari tha se nuk kishte asgjë në makinë për të kaluar në doganë. Por ata panë sjelljen e tij të shqetësuar dhe vendosën të kontrollojnë automjetin me ndihmën e qenve të policisë.
Gjatë kontrollit vunë se shqiptari kishte hapur një pjesë të automjetit në lartësinë e pedaleve, ku ishin fshehur paratë.
