Edhe pse publikisht ka deklaruar se nuk do të komentojë përplasjen brenda Partisë Demokratike, Edi Rama nuk qëndron dhe aq në hije, e madje tallet me situatën e krijuar në partinë më të madhe të opozitës. Së fundi ai ka publikuar një video në tik tok, përmes të cilës Rama ilustron situatën e brendshme në PD.
“Grata NonGrata” shkruan ai krahas videos nga filmi vizatimor “Tomi dhe Jerry”, ku njëri ka çelësat e selisë e tjetri kërkon t’ia marrë.
Kryeministri Rama ka reaguar edhe më herët lidhur me betejën brenda PD-së, duke ju përgjigjur akuzave të ish-kryeministrit Sali Berisha se kishte çuar forca të RENEA-s dhe Garës në tarracën e selisë së PD-së.
Rama është shprehur se nuk ka lidhje me kacafytjen e dy kufomave politike, as ai dhe as Policia e Shtetit. Por Rama po shfrytëzon përplasjet në PD, duke postuar video argëtuese në tik tok. Në videon e postuar, Rama tallet me atë çka ndodh në PD kur Lulzim Basha ka nisur të ndryshojë bravat e dyerve, që kundërshtarët e tij brenda partisë të mos futen dot në zyrat e tyre. Dhe kjo është realisht një situatë komike.
@ediramatiktok #grataNONgrata#çeleNONmylle#bravaNONbrava#hapeNONhape
