Jemin Gjana, me cilësinë e kryetarit të Komisionit, që mbarëvajti punën e Kuvendit të thirrur nga Lulzim Basha, deklaroi dje se praninë e 5004 delegatëve në sallën e Pallatit të Kongreseve.
Shifra e deklaruar zyrtarisht, për të cilën Gjana u shpreh dje se do të publikohej sot emër për emër, krijoi debate të shumta, kjo për faktin se salla ku mbahej Kuvendi i Bashës, nuk ka kapacitetin për të mbledhur aq shumë persona.
Gjithsesi në orët e pasadites së ditës së djeshme, u ndërhy edhe në faqen e Wikipedia, ku shifra nga 2100 ndenjëse, u manipulua në 5400, çka legjitimonte shifrën e deklaruar nga Gjana si të pranishëm në Kuvendin e Bashës.
Por, një dokument zyrtar i Bashkisë së Tiranës, tregon se salla mban 2100 persona. Dhe po të kihet parasysh fakti se rrjeshta me ndenjëse u hoqën dje, për shkak të podiumit, shifra zvogëlohet.
Tashmë, i përket organizatorëve të Kuvendit që të tregojnë se ku kanë qëndruar rreth 3000 delegatë, si kanë votuar ato, kur në sallë nuk kanë qenë më shumë se 2 mijë persona, po të kihet parasysh fakti se rreth 200 ndenjëse u hoqën, për shkak të podiumit.
Edhe sikur në sallë mos bëhej asnjë ndryshim, pra të ishin 2100 ndenjëset dhe sikur shkallët ndarëse të shërbenin si vende ku mund të uleshin të pranishëm, sërisht kapaciteti mund të shkonte në 2300. Atëherë ku ishte diferenca prej 2704 personash që u deklaruan si delegatë?
Mediat dje raportuan pamje edhe nga ambientet e tjera të Pallatit të Kongreseve, ku prania e njerëzve numërohej me gishtat e dorës. Sot nga Lulzim Basha apo mbështetës të tij mund të lexohen jo 5 mijë por më shumë emra, edhe pse dje po në media u raportua se mbi 1500 emra, nga delegatët e lexuar rreth 7 ditë më parë nga Ina zHupa, nuk e kanë atë status, pasi nuk kanë funskione në strukturat e PD.
