Aktorja Arjola Demiri është kthyer në një ndër emrat më të përfolur të “Big Brother Vip” ditëve të fundit për shkak të debateve të ashpra që ka krijuar me disa banorë.
Një nga koleget e Arjolës në “Portokalli” i ka dalë kundër duke ripërsëristur termin që i tha Donaldi: Nxorre surratin e vërtetë. Aktorja Renada Caci, e njohur për rolin e “Luzes”, ka treguar me anë të disa postimeve në Instastory se mbështet Donaldin dhe ka hedhur ndaj Arjolës të njëjtat akuza si ai.
Me foton e një dhie ajo ka ironizuar hapur Arjolën, duke qenë se temin “çikë” aktorja e përmend shpesh herë.
“”Big Brother VIP” është pasqyra që ta zbulon surratin ashtu siç e ke, o çikë. Një ditë të mbarë, miq!”- shkruan aktorja.
Nuk dihet ende se çfarë mund të ketë ndodhur jashtë që Renada reagon në këtë mënyrë ndaj koleges së saj.
Së fundmi, motra e Arjolës, Elisa, ka reaguar ashpër duke shpërthyer në ofendime për aktoren. Krahas një fotoje të Ursulës, “shtrigës” tek filmi vizatimor Ariel, ajo e ka quajtur Renadën “shëmtaraqe të vogël” dhe “xheloze mediokër”.
“13 vjet *artiste *dhe askush stë njef. Ajo që bën më mirë është veç që ‘lef’- kështu shkruan ajo, duke theksuar se po kërkon thjesht famë. Gjithashtu, Elisa ka shprehur edhe një herë krenarinë për motrën e saj, të cilën e quan “luaneshë”.
Sakaq, Renada në Instastory ka sqaruar se është puna e saj se çfarë poston, madje është shprehur se nuk i intereson aspak si merret, pasi ajo jep mendimin e saj.
