Komenti i Oni Pustinës në një postim në faqen zyrtare të “Big Brother VIP” për Ilir Shaqirin bëri xhiron e rrjetit. Ai shkruante se balerini ka jetuar gjithmonë në hijen e miqve tij të ngushtë si Klejdi Kadiu, të cilët kanë shënuar sukses të paparë në Itali.
“Ka një jetë që jeton nën hijen e Kledi Kadiut,”mikut” të tij me të ngushtë! Ka një jetë që xhelozon për cdo shqiptar të realizuar në shtetin fqinj,Leoni,Tare,Klajsi e të tjerë. Ka një jetë që përpiqet me cdo mënyrë dhe intrigë që të jetë sado pak në nivelin e tyre duke minimizuar arritjet e tyre dhe duke u përpjekur madje edhe tju zer vendin me mënyrën e tij ortodokse. Prandaj unë vërtet shpresoj që Shaqiri ta fitoj BBV, që më në fund edhe ai të ndjehet i realizuar e të mos vuaj me suksesin e miqve apo ish miqve të tij në Itali, e mbi të gjitha mos të mos sillet më sburrë me gjak gruaje! forca Shaqir!”- komentoi Oni.
Pas këtij komenti ka reaguar edhe bashkëshortja e Ilirit, Emanuela, e cila shkruan: “Hajde Oni, djalë i mirë. Keni arritur të merrni një artikull!!! Gjithsesi Iliri ishte në dasmën e Kledit dhe në pagëzimin e vajzës. Më duket se nuk të kam parë. Çfarë nuk bën për t’i bërë njerëzit të flasin. Kur ke pasur nevojë, të kemi pritur dhe për shumë gjatë. Dhe ti e di këtë. Mjaft, të lutem. Sa turp.”
Në një tjetër koment, Emanuela shkruan: “fatkeqësisht, njerëzit pështyjnë aty ku kanë ngrënë.”
