Asnjë ofertë nuk është marrë për blerjen e Salernitanës, e cila mund të çojë në përjashtimin e këtij klubi nga Seria A, raporton agjencia italiane ANSA.
Domethënë, presidenti i Lazios, Claudio Lotito, qëndron pas komisionerit që është vetëm formalisht pronar i Salernitana-s dhe meqenëse ligjet e futbollit atje e ndalojnë të njëjtin person të ketë dy skuadra, sanksionet do të jenë të rënda.
Klubi nga jugu i Italisë u promovua në Serie A sezonin e kaluar pas 22 vitesh në ligat e ulëta dhe Lotito u urdhërua ta shesë klubin gjatë verës, para se të niste sezoni i ri.
Më pas, afati u shty deri më 31 dhjetor dhe kjo temë po bëhet sërish aktuale në Itali, pasi Lotito nuk ka një ofertë serioze vetëm dy javë nga fundi i vitit.
Një problem shtesë për të është neni i ligjit sipas të cilit ndalohet shitja e klubit te të afërmit deri në brezin e katërt, ndaj shefi i Lazios ka një hapësirë të ngushtuar manovrimi.
Kujtojmë, skuadra nga Salerno aktualisht është në fund të tabelës së Serinë A me tetë pikë në 17 ndeshje.
Klubi për të cilin luan edhe mbrojtësi shqiptar, Federik Veseli, ndeshjen e radhës do ta luajë të premten kundër kampionëve të Interit.
