Kryeministri Edi Rama po zhvillon një darkë me ambsadorë të akredituar në vendin tonë mbrëmjen e kësaj të Mërkure. Burime pranë PS-së bëjnë me dije se pritja e ambsadorëve nga kryetari i partisë dhe kreu i qeverisë po zhvillohet në kuadrin e festave të fundvitit.
Për të gostitur ambsadorët, Rama ka zgjedhur resortin Rozafa në Elbasan, në pronësi të Gjergj Lucës – biznesmenit i akuzuar për afera me vetë kryeministrin Edi Rama.
Sipas raportimeve mediatike, në darkë është dhe ambasadorja Yuri Kim. Po ashtu, prezent janë dhe ministra e deputetë të PS-së.
Lidhur me pritjen, nuk ka pasur reagim zyrtar nga ana e Ramës apo zyrës së shtypit të kryeministrisë apo Partisë Socialiste. Kreu i qeverisë duket se është angazhuar seriozisht në eventin e sotëm, pasi sic bënë me dije burime pranë PS, ka anuluar një aktivitet të planifikuar për tu zhvilluar në Elbasan po këtë të Mërkurë. Ndoshta Kryeministri është përqendruar maksimalisht për të kënaqur ambasadorët, duke spostuar nga axhenda angazhimet e tjera.
Lexo edhe:
Darkë me muzikë live, pamje nga festa e Ramës me ambasadorët
