“Takimi i sotëm me ambasadorët ishte për djeshmen, të sotmen dhe të ardhmen”. Ky ishte prononcimi i shkurtër i Lulzim Bashës, në përgjigje të interesimit të gazetarëve, lidhur me ç’ka diskutoi në takimin që pati më herët gjatë kësaj të Marte me disa ambasadorë në selinë e PD-së.
Jashtë selisë blu, Basha foli për arrestimin e ish-ministrit të Mjedisit Lefter Koka, duke u shprehur se pa ndjekjen penale të “peshqve të mëdhenj”, hetimi nuk është i plotë.
Gjata paradites, për gati një orë, disa ambasadorë zhvilluan një takim me Bashën. Të pranishëm në takim ishin ambasadorja amerikane Yuri Kim, kreu i delegacionit të Bashkimit Evropian në Shqipëri Luigi Soreca, ambasadori italian Fabrizio Buci, ai gjerman Peter Zingraf dhe ambasadorja franceze Elisabeth Barsacq. Pas takimit, nuk pati reagime nga palët.
