Deputeti demokrat, Belind Këlliçi, ka folur në përfundim të Kuvendit të Demokratëve, ku ka deklaruar edhe njëherë se delegatët kanë votuar pro shkarkimit të Lulzim Bashës.
I pyetur nga mediat se a do të marrë pjesë në mbledhjen e Krysisë, Këlliçi tha se nuk do të bëhet pjesë e një farse.
Pyetje-përgjigje:
Gazetarët: Çfarë do të ndodhë tani pas votimit?
Këlliçi: Me keqardhje Basha nuk ndihmoi në zbutjen e kësaj fryme, por rezultati ishte i qartë, 4446 kanë votuar pro nga kryetari i PD, sigurisht që ai vijon të jetë deputet i PD, mund të japë kontributin e tij.
Gazetari: Ka një mbledhje kryesie tani në PD, a do të jeni pjesë?
Këlliçi: Nuk do të shkoj, sepse nga dita e sotme kryesia nuk ëhstë më fonksionale e plotë sepse një pjesë e saj janë shkarkuar. Nuk mund të bëhem pjesë e një fasade.
Gazetari: Kur do të zhvillohet mbledhja e Komitetit drejtues të PD?
Këlliçi: Këtë përgjigje nuk mund t’ua u them tani, por sigurisht duhet të zhvillohet një mbledhje e PD.
