Policia e Laçit ka vijuar hetimet intensive, mbi vrasjen biznesmenit Rakip Roli ditën e djeshme, duke ngritur pika kontrolli në të gjithë qytetin dhe në zonat përreth.
Autorët e dyshuar janë identifikuar si shtetasit me iniciale, S.L. dhe djali i tij të cilët janë larguar me ndihmën e një mjeti nga vendi i ngjarjes, ndërsa dyshohet se mund të jenë larguar drejt Elbasanit.
Autoritetet kanë sekuestruar kamerat e sigurisë në zonë, si dhe kanë marrë dëshmitë e dy shoferëve që u përfshinë në një aksident me makinën e viktimës.
Rakip Roli, i cili ishte një emër i njohur për policinë, edhe pse ishte një biznesmen në këtë qyteti, ai ka pasur të shkuar kriminale.
