Vllaznia mori dje një fitore të rëndësishme 1-0 ndaj Partizanit. Ndeshja u vendos nga një gol i shënuar nga Latifi në pjesën e parë, ndërsa shkodranët ruajtën deri në fund rezultatin edhe pse ishin me një lojtar më pak.
Kjo fitore ka lënë me “pasoja” Vllazninë pasi Gurishta dhe Krymi do të mungojnë ndaj Skënderbeut.
Kapiteni u ndëshkua me karton të verdhë dhe ka plotësuar numrin e kartonave, ndërsa Krymi u ndëshkua me të kuq pas faullit deçiziv ndaj Carës.
Që të dy lojtarët titullarë do të jenë mungesa të mëdha për trajnerin Brdaric për ndeshjen e diel ndaj Skënderbeut në “Loro Boriçi”.
