Ish-Sekretari i Përgjithshëm i Partisë Demokratike, Arben Ristani beson se demokratët nuk vinë në pushtet me Lulzim Bashën.
I ftuar në studion e ‘Log’, Ristani thekson që është e faktuar që Basha nuk do të fitojë. Sipas tij, tashmë demokratët kanë marrë në dorë fatin e tyre.
“Ajo që për të mos u shquar si partizan, ajo që është provuar është fakti që me Bashën PD nuk ka shanse të jetë alternativë e pushtetit. Janë katër palë zgjedhje të provuara. Përgjigja ime është që tashmë demokratët kanë marrë në dorë fatin e tyre. Do të ketë një Kuvend në datën 11 që do të shtrojë rrugën për zgjedhjet e ardhshme të lidershipit”, tha ai.
