Banorët e fshatit Piskovë në Përmet kanë protestuar për të dytën herë ditën e sotme kundër ndërtimit të një kantieri për depozitimin e mbetjeve urbane të qytetit.
Me pankarta në duar dhe nën reshjet e shiut banorët kanë kërkuar anulimin e projektit.
Ata janë shprehur se ky projekt i vret ata për së gjalli, për shkak se dëmton rëndë tokat me të cilat ata sigurojnë jetesën.
Ndërkohë që kanë shtuar se projekti është i paligjshëm, pasi sipas tyre, me ta nuk është konsultuar njeri për ndërtimin e një projekti të tillë.
Ndërsa janë shprehur se nëse nuk do të merren masa për ndërprerjen e punimeve, ata do të ndërmarin hapa vetë.
