Një 21-vjeçar me iniciale A.H, është arrestuar nga policia e Tiranës, pasi është kapur duke shpërndarë drogë, në rrugën “Nikolla Lena”.
21-vjeçari, pasi siguronte lëndën narkotike në sasi prej 1 deri në 2 kg, e ndante në porcione të vogla, të cilat më pas i shiste në zonën e rrugës së “Kavajës”, dhe në rrugën “Nikolla Lena”. Ai e shiste kundrejt vlerës 500 lekë të rinj një dozë cannabis sativa dhe 8000 lekë të rinj një dozë me kokainë, njoftoi policia.
Gjatë kontrollit fizik dhe gjatë kontrollit në banesën e marrë me qira prej tij në rrugën “Nikolla Lena”, efektivët e Policisë gjetën dhe sekuestruan në cilësinë e provës materiale 1 kg e 250 gramë cannabis sativa, një sasi lënde narkotike kokainë, 1 aparat celular dhe 2 peshore elektronike.
Ndaj të arrestuarit rëndon akuza për veprën penale “Prodhimi dhe shitja e lëndëve narkotike”.
