Një autobus është përfshirë nga flakët pasditen e sotme në një parking në Fushë Kosovë.
Burimet policore njoftojnë se ngjarja ka ndodhur rreth orës 17:30, ku autobusi i kompanisë “Arditi Tours“, është shkrumbuar.
Paraprakisht raportohet vetëm për dëme materiale, ndërsa , shkaku i zjarrit ende nuk dihet.
“Rreth orës 17:30, është raportuar se në zonën industriale në Fushë Kosovë, një autobus është përfshirë nga zjarri. Policia menjëherë ka dalë në vendin e ngjarjes, po ashtu janë ftuar edhe zjarrfikësit. Nuk raportohet për të lënduar, përderisa po trajtohen rrethanat e ngjarjes”, ka thënë zëdhënësi i Policisë Borovci.
