“Nëse në 11 dhjetor ka mazhorancë, nuk do të ketë kuvend në 18 dhjetor, sepse kjo nuk mund të ndodhë”,- u shpreh kështu, Jozefina Topalli në studion e ‘Open’.
Më tej Topalli shtoi se kjo që po ndodh në PD është krizë legjitimiteti. Për të zgjidhja është e qartë dhe ka vetëm një emër, 11 dhjetor.
Topalli deklaroi se Lulzim Basha është duke ndërruar bravat e zyrave dhe këtë e ka nisur nga Fieri.
“Unë po mbroj forcën politike që prej dhjetë vitesh ka probleme. I kam thënë tërë këto vite të heqim Bashën, është i rrezikshën, është njeriu pa legjitimitet. Nuk do kishte fatkeqësi më të madhe nëse do të kishe këtë njeri kryeministër. Pa larguar Lulzim Bashën nuk iken Edi Rama. Brenda kryesise ka nga ata që kanë thënë se do shkrihet partia nëse ikën Basha. Nuk ka kënaqësi më të madhe sesa të dëgjoj tani çdo tezë timen nëpër tavolina”,- shprehet Topalli.
