Policia italiane ka vënë në pranga një shtetas shqiptar, pasi u kap me mbi 6 kilogram kokainë të pastër me vete, e cila sipas burimeve policore nëse do të hidhej në treg do të kapte vlerën e 1.5 milion euro.
Mediat vendase njoftojnë se shqiptari në momentin që e ndaluan për kontroll po ngiste një furgon me targa spanjolle. Kokaina u gjet në dyshemene e furgonit falë ndihmës së qenit anti-drogë, dhe ishte e fshehur ne qese me 7 këllëf najloni të mbyllura me nxehtësi dhe vakum, të ngopura me yndyrë sintetike për automjetet.
Mësohet se brenda mbështjellësve u gjet droga: 6 kilogramë e 150 gramë kokainë e pastër, e cila u sekuestrua së bashku me furgonin që përdorej për transport.
Ndërsa shqiptari, i cili kishte disa precedentë të mëparshëm mësohet se është arrestuar dhe burgosur në burgun e Masës.
