Një nga përfaqësuesit e personave me aftësi të kufizuara zbuloi kërkesat që ky grup i shoqërisë ka për qeverinë, pas takimit me ministren e Financave.
Të parën listoi rikthimin e skemës së pagesës së energjisë elektrikë në shumën 80 përqind nga shtetit. “Kryeministri ynë i nderuar na premtoi që do na i rikthejë brenda 100 ditësh qeverisje, nuk ndodhi”, u shpreh.
Një tjetër kërkesë ishte që kujdestari i tyre të paguhet me rrogë minimale. “S’na shërben njeri me 100 mijë lekë të vjetra”, deklaroi.
Kërkesa tjetër ishte 80 litra karburant falas në muaj.
Ai kërkoi po ashtu daljen në pension pas 15 vitesh në shërbim pune.
Subvencioni i ilaçeve ishte një tjetër kërkesë. “Nuk trajtohemi me ilaçe, shteti si subvencionin. Ilaçet tona janë shumë të shtrenjta”, tha përfaqësuesi i personave me aftësi të kufizuara.
Përfaqësues të personave me aftësi të kufizuara protestuan këtë të Enjte para Kuvendit, ku u takuan me kryeministrin Edi Rama. Ky i fundit i ftoi në një takim me ministren e Financave dhe i premtoi një takim me të në një moment të dytë.
“E lamë që ditën e Premte, tjetrën që dy ministritë të bisedojnë njëra me tjetrën mbi pikat ekonomike që kemi kërkuar. Nuk pretendojmë të realizohen 7 pikat, por të paktën 2 pika. Dita e Premte presim që të jetë ditë e bukur për ne. Do ta diskutojmë prapë me ministren Manastirlu dhe atë të Financave dhe jam optimist që do shprehen në favorin tonë. Nuk pres që të realizohen të gjitha pikat me një të rënë të lapsit, por shpresojmë që të realizohen. Ne kemi lindur për të jetuar, kemi të drejtë për një pavarësi ekonomike”, tha përfaqësuesi i i personave me aftësi të kufizuara.
