Një ngjarje tragjike raportohet të ketë ndodhur në Agrinio, Greqi.
Mësohet se një 35-vjeçar ka vrarë me thikë nënën e tij 57-vjeçare, ndërsa ka plagosur edhe gjyshen.
Mediat vendase shkruajnë se ngjarja tronditëse ka ndodhur në zonën e spitalit të vjetër në orët e para të ditës së sotme dhe aktualisht në vendngjarje ndodhen forca policore.
Mësohet se në zonë ka trazira të mëdha mes fqinjëve dhe familjes, ndërsa ende nuk dihen shkaqet dhe rrethanat e krimit.
