Deputeti i Partisë Demokratike Enkelejd Alibeaj ka kërkuar nga Këshilli Etikës në parlament marrjen e masave disiplinore nda deputetit Bujar Çela, i cili zgjodhi të uronte kolegët e Komisionit të Sigurisë për festat e Nëntorit përmes një fotoje të diktatorit Enver Hoxha.
Në një konference për mediat nga selia blu, Alibeaj e quajti këtë akt si një provë të gjallë se Partia Socialiste është pjellë e Partisë së Punës. Gjithashtu ai bëri me dije se Partia Demokratike do të paraqesë së shpejti në Kuvend një paketë ligjore për dekomunistizimin e shoqërisë shqiptare.
“Rasti i djeshëm i deputetit Bujar Çela tregon më së shumti se nuk është vetëm një rast i shkëputur tregon më shumë sa kaq. Tregon nevojën e shoqërisë për tu shkëputur nga e shkuara komuniste. Evokimi i figurës së diktatorit nga një ligjvënës, nuk është thjesht thyerja e Kodit të Sjelljes të parlamentit, por është diçka më tepër, tregon nevojën ulëritëse dhe urgjente për të bërë dekomunistizimin e shoqërisë shqiptare. Në këtë situatë, në emër të kolegëve dhe të pozicionit që kam si kryetar i partisë D emokratike do të kërkojmë në Këshuillin e Etikës në parlament marrjen e masave për deputetin në fjalë. Por ajo që ne i kemi paraqitur kryetarit të Partisë Demokratike është që partia Demokratike të paraqesë një paketë të plotë ligjore që fokuson dekomunistizimin e shoqërisë shqiptare. Në këto 30-vite janë bërë shumë përpjekje në funksion të kësaj gjëje, por asgjë konkrete nuk është arritur. Teksa një ligjvënës ndodh që të bëjë osanah e të thurrë laved ndaj diktatorit. Pikërisht një paketë ligjore e cila do të fokusojë më së pari dekomunistizimin, pajisjen e kurrikulave në shkolla, shpërblimin e të përndjekurve, ndëshkimin dhe distancimin nga nga trasghëgimia e së djeshmes, janë këto synimet kryesore. Mbi të gjitha dhe ndëshkimin politik dhe moral. Nuk na bën çudi fakti që një ligjvënës i Partisë Socialiste ndërmerr këtë akt, është prova më e gjallë që partia Socialiste është pjella e partisë së punës”, tha Alibeaj.
