Sokol Cikalleshi nuk ndalet së shënuari, teksa kohët e fundit është shfaqur në një formë të shkëlqyer.
Sulmuesi i Kombëtares shqiptare, ka realizuar sot për skuadrën e tij, Koniaspor ndaj Gaziantepit në transfertë golin e përkohshëm 2-2 në një takim të humbur me rezultatin 3-2.
Kavajasi bëri një gol të mrekullueshëm teksa në një sprint dhe veprime me dribling arriti të shënojë gol edhe me ndihmën e VAR-it, teksa më parë anësori i ndeshjes e kishte anuluar për pozicion jashtë loje.
31-vjeçari në 12 ndeshje me Koniasporin ka realizuar 5 gola dhe ka dhuruar dhe 1 asist.
