Java e 14-të e Serisë A do të mbyllet me supersfidën Napoli-Lazio, takim që ka startuar në orën 20:45.
Për Napolin, një fitore ndaj bardhekaltrit do të ishte jetike, pasi për herë të parë që nga starti i kampionatit do të kryesonte e vetme.
Humbja e Milanit ndaj Sasuolos, ka karikuar skuadrën e Spaletit që do të kërkojë vetëm 3 pikët, por nuk pritet të jetë aq e thjeshtë. Përballë kanë Lacion dhe dy ish, si Mauricio Sarri dhe Elseid Hysaj.
Mbrojtësi i Kombëtares do të përballet për herë të parë pas gjashtë vitesh si kundërshtar me Napolin, duke sfiduar të kaluarën e tij.
