Ish-Kryeministri Sali Berisha do të vijojë takimet me anëtarët dhe simpatizantët e PD edhe gjatë javës që vjen, në kuadrin e turit të pagëzuar me emrin “Foltorja”.
Një ditë më parë, Berisha njoftoi se në 5 dhjetor, ai do të ketë një diskutim me shqiptarët që jetojnë në SHBA, ndërkohë sot ka njoftuar se në datën 3 dhjetor, Foltorja do të zhvillohet në Devoll.
“Ditën e Premte, datë 3 Dhjetor 2021, ora 17.00, në Qendrën Kulturore Bilisht, zoti Sali Berisha do të mbajë foltoren me demokratët dhe qytetarët e Devollit për një Parti Demokratike më të bashkuar, më të fortë, dhe më të hapur”, thuhet në njoftimin zyrtar.
